PUBLICNEWSTV-தீவிர ரசிகனுக்கு பிறந்தநாளன்று இன்ப அதிர்ச்சி கொடுத்த நடிகர் விஜய்

PUBLISHED:03-Dec-2018

சென்னை:-

பிரபல நடிகரின் மகனும், விஜய்யின் தீவிர நடிகருமான ஃபைஸல் பிறந்தநாளில் கேக் வெட்டி இன்ப அதிர்ச்சி  கொடுத்த நடிகர் விஜய் புகைப்படங்கள் இணையத்தில் வைரலாகி வருகிறது.

ரசிகர்கள் என்று வந்துவிட்டால் அன்பை பாகுபாடின்றி அள்ளி கொட்டும் குணம் கொண்டவர் நடிகர் விஜய்.

இந்த குணத்திற்காகவே அவருக்கு ஏராளமான ரசிகர் பட்டாளம் உள்ளது. இப்படிப்பட்ட இவர், கடந்த டிசம்பர் 1ம் தேதி பிரபல நடிகரின் கனவு ஒன்றை நிறைவேற்றியுள்ளார்

பல திரைப்படங்களில் நாயகனாகவும், வில்லனாகவும் நடித்திருப்பவர் நடிகர் நாசர்.

இவரின் மகன் ஃபைசல், தீவிர விஜய் ரசிகர். கடந்த 2014ம் ஆண்டு நடந்த ஒரு பயங்கர விபத்தில், ஃபைசலுக்கு பலத்த காயங்கள் ஏற்பட்டு தீவிர சிகிச்சை மேற்கொண்டு வந்தார்.

தற்போது நன்கு குணமாகியிருக்கும் நிலையில், தனது இல்லத்தில் ஓய்வு எடுத்து வருகிறார்.

நாசர் மகன் பிறந்தநாள் கொண்டாடிய நடிகர் விஜய்

ஃபைசலுக்கு கடந்த டிசம்பர் 1ம் தேதி பிறந்தநாள் கொண்டாட்டப்பட்டது. அந்த கொண்டாட்டத்தில் சற்றும் எதிர்பாராத வகையில் சரிபிரைஸ் கொடுத்தார் தளபதி விஜய்.

ஃபைசலுக்கு நீண்ட நாட்களாக தனது பிறந்தநாளை விஜய்யுடன் கொண்டாட வேண்டும் என்ற விருப்பம் இருந்ததாகவும் அந்த ஆசை தற்போது நிறைவேறிவிட்டதாகவும், நாசர் மனைவி கமீலா ட்விட்டர் பக்கத்தில் தெரிவித்திருக்கிறார்.

மேலும் கமீலா அவரது ட்விட்டரில் பகிர்ந்துள்ள புகைப்படங்கள் இணையத்தளம் முழுவதும் வைரலாகி வருகிறது.

குறிப்பாக, ஃபைசல் மெழுகுவர்த்தி ஊத, அந்த கேக்கை அவர் வெட்டுவதற்காக தனது கையில் விஜய் பிடித்து நிற்கும் புகைப்படம்  ரசிகர்கள் மத்தியில் சர்கார் அளவிலான சூப்பர் ஹிட்.




Recommended For You
Alert: You are not allowed to copy content or view source